Proxecto dos inventos

Ola!!! Tedes que desculpar que andivese un pouco desaparecida por aquí... Prometo volver con forza!

PRIMEIRO: sei que moitas/os de vós estades algo perdidas/os co do novo proxecto que puxemos en marcha na aula...

Cóntovos algo máis por aquí:

Resulta que descubrimos que os científicos/as, aqueles que fan experimentos... ás veces tamén teñen ideas, disparatadas ou non, que se convirten en INVENTOS... para facernos a vida máis doada, xeralmente.

Pois... nós que somos moi curiosas e curiosos... quixemos investigar máis!!!!

O mecanismo é o seguinte: eu todas as semanas poñerei aquí o invento que esteamos a traballar e, se podedes, tedes tempo... (sempre que quede claro que nada é obrigatorio e que non é un traballo para as familias, máis ben é unha forma de que estemos conectados e permitirvos participar no día a día dos vosos fillos e fillas no cole); podedes traer material que teñades pola casa... para nós incorporalo ao noso recuncho do proxecto, e aproveitar para investigar e coñecer aínda máis do que estamos a traballar...

Para isto, creamos un libro viaxeiro, no que se adxunta unha ficha na que tedes que cubrir, simplemente: nome do invento, quen o inventou, en que país e data, e para que nos sirve hoxe en día... E, a partir de aí, traballaremos nós na aula! 

O libro levarase os XOVES e tedes de tempo ata o seguinte MÉRCORES para traer a ficha cuberta... O que si vos pido é que, por favor, o fagades vós cos nenos/as, posto que despois terán que explicar o que investigaron na asemblea aos demais compañeiros/as...

Só vos tocará facer un invento a cada familia, aínda que isto daranos para traballar co proxecto este trimestre e o seguinte. Algúns dos inventos que imos traballar nós na aula son: teléfono, bombilla, paraugas, televisor, bicicleta, fotocopiadora, ordenador, radio... Xa o iredes descubrindo no libro viaxeiro!

Espero que vos guste a idea, e que teñades ganas de descubrir con nós estas cousas tan divertidas... :)